देवदह। रुपन्देहीको देवदहमा डि युनिटी क्लबद्वारा आयोजित देवदह प्रिमियर लिग (डीपीएल) सिजन-३ अन्तर्गत सोमबार भएको दोश्रो खेलमा शंकरपुर सुपर किंग्स विजयी भएको छ। शंकरपुर सुपर किंग्सले टटेरा डाईनामाईटलाई १ विकेटले पराजित गरेको हो।
देवदह–७ स्थित देवदह क्रिकेट मैदानमा टस जितेर पहिले ब्याटिङ गरेको टटेरा डाईनामाईटले २० ओभरमा अल आउट हुदै ८३ रन बनाएको थियो। टिमका लागि नरेश मगरले २८ र प्रकाश भण्डारीले १८ रनको योगदान दिए भने अन्य कुनै ब्याट्सम्यानेले दोहोरो अंक ल्याउन सकेनन् । बलिंङ्ग तर्फ शंकरपुर सुपर किंग्सका सुन्दर र मनोजले समान ३-३ विकेट लिए। त्यस्तै, सुरज खड्काले २ र लाल बहादुरले १ विकेट लिए।
८४ रनको लक्ष्य पछ्याएको शंकरपुर सुपर किंग्सले १९ दशमलभ ३ ओभरमा ९ विकेट गुमाउँदै उक्त लक्ष्य पूरा गर्यो। टिमका लागि सुरज खड्काले अभिजित ३६ रन र महेश मल्लाहले १६ रनको योगदान दिए। टटेरा डाईनामाईटका रबिश कुर्मीले ४ र डेविट थापाले २ विकेट लिए।
बलिङमा ४ ओभरमा १७ रन खर्चेर २ विकेट लिनुका साथै ब्याटिङमा ३९ बलमा ३६ रन बनाएका सुरज खड्का खेलको म्यान अफ द म्याच घोषित भए।
प्रतियोगिताको विजेता टोलीले नगद २ लाख रुपैयाँसहित ट्रफी, मेडल र प्रमाणपत्र प्राप्त गर्नेछ। त्यस्तै, उपविजेता टोलीले नगद १ लाख रुपैयाँसहित ट्रफी, मेडल र प्रमाणपत्र प्राप्त गर्ने आयोजकले जनाएको छ।
