महोत्तरीमा लागुऔषध गाँजासहित पक्राउ परेर कारागारमा रहेका बेला फरार भएका एक प्रतिवादी पक्राउ परेका छन्।
पक्राउ पर्नेमा महोत्तरीको बर्दिबास नगरपालिका–११ निवासी ३१ वर्षीय रंगलाल स्याङ्तान रहेका छन्। उनलाई मिति २०८३ मंसिर ४ गते लागुऔषध नियन्त्रण ब्यूरो शाखा कार्यालय बर्दिबासबाट खटिएको प्रहरी टोलीले बर्दिबास नगरपालिका–१ बाट पक्राउ गरेको हो।
प्रहरीका अनुसार स्याङ्तानलाई २०८२ जेठ २६ गते ४० किलो गाँजा र ईभी कारसहित पक्राउ गरिएको थियो। महोत्तरी जिल्ला अदालतको आदेशअनुसार पुर्पक्षका लागि जिल्ला कारागार महोत्तरी, जलेश्वरमा राखिएको अवस्थामा उनी २०८२ भदौ २४ गते जेनजी आन्दोलनका क्रममा कारागारबाट भागेर फरार भएका थिए।
फरार भएपछि प्रहरीले उनको खोजी गरिरहेको थियो। उनलाई अहिले पक्राउ गरी आवश्यक कानुनी प्रक्रिया अघि बढाइएको छ।