धादिङमा बोलेरो जिप दुर्घटना हुँदा एक महिलाको घटनास्थलमै मृत्यु भएको छ भने चालकसहित ९ जना घाइते भएका छन्।
शुक्रबार राति करिब १ः५५ बजे धादिङको रुबीभ्याली गाउँपालिका–४ कलदाङस्थित लापाबाट बोराङतर्फ जाँदै गरेको बा।प्र।०२०३३ च ७१६९ नम्बरको बोलेरो उकालो बाटोमा अनियन्त्रित भई करिब ४०० मिटर तल सडकमा खसेको हो।
दुर्घटनामा रुबीभ्याली गाउँपालिका–४ बोराङकी ६६ वर्षीया छेनेन तामाङको घटनास्थलमै मृत्यु भएको प्रहरीले जनाएको छ।
दुर्घटनामा चालकसहित ९ जना घाइते भएका छन्। घाइतेमध्ये तीन जनाको अवस्था गम्भीर र अन्यको अवस्था मध्यम रहेको छ। गम्भीर घाइते हुनेमा ११ वर्षीय आमोष तामाङ, ३३ वर्षीया मिजोङ तामाङ र बोलेरो चालक डम्बर तामाङ रहेका छन्।
घाइते सबैलाई उपचारका लागि स्वास्थ्य चौकी बोराङ पठाइएको छ। दुर्घटनाको कारणबारे थप अनुसन्धान भइरहेको छ।