देवदह /लियो क्लब अफ लर्ड बुद्धले विद्यार्थीलाई शैक्षिक , खेलकुद सामग्री एक कार्यक्रम बीच वितरण गरिएको छ ।
देवदह नगरपालिका वडा नं ३ , बसन्तपुर स्थित फुलबारी आधारभुत बिद्यालयका ७५ जना विद्यार्थीलाई क्लबले शैक्षिक र खेलकुद सामग्री वितरण गरेको हो ।
क्लब को अध्यक्ष शंकर पंगेनीको अध्यक्षतामा भएको कार्यक्रममा देवदह नगरपालिका वडा नं ३ का वडा अध्यक्ष बैकुण्ठ कुवर, विद्यालय व्यवस्थापन समितीका अध्यक्ष ओम प्रकाश न्यौपाने, लियो क्लब अफ लर्ड बुद्धका संस्थापक अध्यक्ष दिपेश मल्ल, पुर्व अध्यक्ष गोपाल पाण्डे , निवर्तमान अध्यक्ष सन्दिप तिवारी लगायत अन्य विभिन्न व्यक्तित्वहरुको उपस्थिती रहेको थियो।
कार्यक्रममा बोल्दै प्रमुख अतिथि समेत रहनुभएका देवदह नगरपालिका वडा नं ३ का अध्यक्ष बैकुण्ठ कुवरले विधालयको भौतिक पुर्वाधार मात्र नभई शैक्षिक सुधारमा लाग्न जोड दिनुभएको थियो।
कार्यक्रम लियो क्लब अफ लर्ड बुद्धका प्रथम उपाध्यक्ष प्रदिप पाण्डेको संचालनमा भएको थियो । फुलबारी अधारबुत बिधालयका प्राध्यापक पुर्ण बहादुर कुवरले बिधालयका बालबालिका समक्ष प्रत्यक्ष रुपमा पुगेर सहयोग वितरण गरेर लियो क्लब अफ लर्ड बुद्धले निकै प्रशंशनिय कार्य गरेको र बालबालिकालाई राहत हुने बताए ।
