नेपाल आयल निगमले पछिल्लो समय पेट्रोलियम पदार्थको विक्रीमा ठूलो घाटा व्यहोर्नु परेको तथ्यांक प्रस्तुत गरेको छ । भारतबाट खरिद गरिएको मूल्यभन्दा कममा बेच्नुपर्दा घाटा भएको निगमले जनाएको हो ।
यस्तै, हवाई इन्धन आन्तरिकतर्फ प्रतिलिटर रु. २५७.९२, बाह्यतर्फ २६३.९ र एलपी ग्यास २,३४१.२५ रुपैयाँको दरले खरिद गरिरहेको विज्ञप्तिमा उल्लेख छ ।
हालको विक्री मूल्य अनुसार पेट्रोलमा प्रतिलिटर रु. २.३२, डिजेलमा रु.८७.९९ र मट्टीतेलमा रु. ३६.७० घाटा भइरहेको निगम बताउँछ । यस्तै, हवाइ इन्धन आन्तरिकमा रु. ०.९२ र बाह्यमा ६.५२ डलर तथा एलपी ग्यासमा रु. ३३१.२५ घाटा भइरहेको आँकडा छ ।
यसअनुसार आयल निगमले पछिल्लो १५ दिनमा पेट्रोलमा ७ करोड ६८ लाख, डिजेलमा ७ अर्ब २३ करोड ९३ लाख, मट्टीतेलमा ३ करोड १७ लाख घाटा व्यहोरेको छ । यस्तै, हवाइ इन्धन आन्तरिकमा २४ लाख, बाह्यमा ३ करोड ८४ लाख र एलपी ग्यासमा ५० करोड ४३ लाख घाटा भएको छ । कुल मिलाएर १५ दिनमा ७ अर्ब ८१ करोड ६१ लाख घाटा व्यहोरेको निगम बताउँछ ।
