संखुवासभा। जिल्लाको चैनपुर नगरपालिका–१ नुनढाकीमा सुख्खा पहिरोले पुरिएर दुई जनाको मृत्यु भएको छ।
चैनपुर नुनढाकी सडकखण्डमा तार जाली पर्खाल लगाउने क्रममा आज बिहान ११ बजे अचानक माथिबाट सुख्खा पहिरो झरेर पुरिँदा सडक निर्माण कार्यमा खटिएका दुई मजदुरको घटनास्थलमा नै ज्यान गएकाे हो। मृत्यु हुनेमा सुनसरी धरानका ३५ वर्षीय राम कुमार राई र चौदण्डीगढी नगरपालिका–६ उदयपुरका २० वर्षीय हेम बहादुर मगर रहेको जिल्ला प्रहरी कार्यालय संखुवासभाले जनाएको छ ।
पहिरोमा पुरिएका दुवै जनाको उद्धार गरी शव परीक्षणको लागि जिल्ला अस्पताल खाँदबारी पठाएको छ।घटनाबारे थप अनुसन्धान भइरहेको प्रहरीले जनाएको छ।
यो खबर पढेर तपाईंलाई कस्तो महसुस भयो ?
0%
😊
खुशी
0%
😢
दुःखी
0%
🤔
अचम्मित
0%
😆
उत्साहित
0%
😡
आक्रोशित
कुल प्रतिक्रिया: 0
