बैतडीको शिवथान गाउँपालिका–६ सुल्लेखानमा घरको छतबाट खसेर एक मजदुरको ज्यान गएको छ ।

बर्दिया जिल्ला बाँसगढी नगरपालिका–४ स्थायी घर भएका ६५ वर्षीय जगतराम थारुको मृत्यु भएको हो ।

थारु पाटन–पञ्चेश्वर सडक खण्डमा कार्यरत मजदुर थिए । उनि सुल्लेखानस्थित उद्धवसिंह धनाडीको घरमा भाडामा बस्दै आएका थिए । उनिसँगै उनका भतिज गुरीलाल थारु पनि सोही घरमा बसदै आएका थिए ।

सोमबार बिहान करिब ३–४ बजेतिर बाथरुम जाने क्रममा छतबाट लड्दा उनको ज्यान गएको हुनसक्ने प्रारम्भिक अनुमान गरिएको छ । घटनाको जानकारी पाएपछि जिल्ला प्रहरी कार्यालय बैतडीबाट खटिएको टोलीले आवश्यक अनुसन्धान अघि बढाएको प्रहरी निरीक्षक बल्देव बडुले जानकारी दिए ।