देवदह । रुपन्देही क्षेत्र नम्बर १ लाई विकासको गतिमा अगाडि बढाउन नेकपा एमालेको जित आवश्यक रहेको एमाालेका उम्मेदवार दधिराम न्यौपानेले बताउनु भएको छ। रुपन्देहीको तिलोत्तमा नगरपालिका–७ र ९ मा आयोजित घरदैलो तथा भेटघाट कार्यक्रममा बोल्दै उहाँले विगतका उपलब्धि हेरेर मतदाताले निर्णय गर्नुपर्ने बताउनुभयो ।

उहाँले बुटवल र भैरहवा क्षेत्रमा भएका ठूला पूर्वाधार विकास, सडक विस्तार, शहरीकरण तथा सेवा सुविधाको विस्तार एमालेकै नेतृत्वमा सम्भव भएको दाबी गर्नुभयो । उहाँले भन्नुभयो, हरेक समयलाई फर्केर हेर्ने हो भने विकासले गति लिएको समय एमालेकै पालामा भएको बताउनु भयो । रुपन्देही क्षेत्र नम्बर १ लाई पनि तीव्र विकासको मार्गमा लैजान एमालेको जित अपरिहार्य रहेको उहाले बताउनु भयो ।

उम्मेदवार न्यौपानेले सामाजिक सञ्जाल मार्फत आफूलाई नयाँ भनेर प्रस्तुत गर्दै परिवर्तनको कुरा गर्ने शक्तिहरूको विगतको इतिहास र कार्यशैली अध्ययन गरेर मात्रै मतदाताले मूल्याङ्कन गर्न आग्रह गर्नुभयो । उहाँले अनुभव, कार्यक्षमता र विगतको योगदानलाई आधार मानेर मतदान गर्न आग्रह गर्नु भयो । उहाँले चुनावपछि क्षेत्रका हरेक वडामा पुगेर आवश्यकताको पहिचान गर्दै गाउँ÷गाउँसम्म पुग्ने विकास योजना तयार गरिने प्रतिबद्धता व्यक्त गर्नुभयो ।