श्री चेली कृषि सहकारी संस्था लिमिटेडको दशौँ वार्षिक साधारण सभा तथा तेस्रो अधिवेशन–२०८२ सम्पन्न भएको छ। अधिवेशनले देवी अधिकारीको अध्यक्षमा तामा नयाँ कार्यसमिति चयन गर्दै आगामी कार्ययोजना र सहकारी विकासका प्राथमिकताहरू तय गरेको छ।
संस्थाको उपाध्यक्षमा हिमालय न्यौपाने, सचिवमा बिष्णु माया अधिकारी, कोषाध्यक्षमा सरस्वती थापा तथा सदस्यहरू गुमादेबी भुर्तेल, धनकुमारी पराजुली, सावित्री भुषाल, देबि हमाल र लक्ष्मी न्यौपाने भुषाल चयन भएका छन्। लेखा समितिमा निर्मला पौडेल संयोजक तथा मीना भण्डारी र बिनिता भण्डारी सदस्यका रूपमा चयन भएका छन्।
कार्यक्रममा जिल्ला सहकारी संघ रुपन्देहीको महिला उपाध्यक्ष टिका न्यौपानेले महिला नेतृत्वमा सञ्चालित सहकारीहरूले आर्थिक समावेशीकरण, आत्मनिर्भरता र ग्रामीण विकासमा महत्वपूर्ण योगदान पु–याइरहेको बताउँदै श्री चेली कृषि सहकारीले देखाउँदै आएको सक्रियता आगामी दिनमा अझ प्रेरणादायी बन्ने विश्वास व्यक्त गर्नुभयो।
कार्यक्रम संस्थाको अध्यक्ष सरस्वती अर्यालको अध्यक्षता र सचिव हिमालय न्यौपानेको सञ्चालनमा सम्पन्न भएको थियो।
