बर्दघाट । मदिरा व्यवसायी संघ नवलपरासीको छैठौँ साधारण सभा तथा तेस्रो विशेष अधिवेशन बर्दघाट नगरपालिका–४ स्थित होटल रेशुङ्गा पार्टी प्यालेसको सभाहलमा सम्पन्न भएको छ। कार्यवहाक अध्यक्ष सुर्य प्रसाद न्यौपानेको अध्यक्षतामा सम्पन्न कार्यक्रममा मदिरा व्यवसाय महासंघ लुम्बिनी प्रदेशका अध्यक्ष शम्भु प्रसाद भट्टराई प्रमुख आतिथ्यता रहेको थियो।
सभाले नयाँ नेतृत्व चयन गरेको छ। जसअनुसार संघको अध्यक्षमा सुर्य प्रसाद न्यौपाने, उपाध्यक्षमा हरी प्रसाद न्यौपाने, महासचिवमा जनक कुवर, सचिवमा विश्वदिप शर्मा, कोषाध्यक्षमा कमल थापा तथा सदस्यहरूमा प्रकाश रिजाल, निरज खड्का, राजकुमार भण्डारी, मोतिलाल यादव, शिव पाण्डेय र राजु भण्डारी निर्वाचित भएका छन्।
कार्यक्रमलाई सम्बोधन गर्दै प्रमुख अतिथि भट्टराईले संघको भूमिका व्यवसायी मात्र नभई सामाजिक उत्तरदायित्वप्रति पनि केन्द्रीत हुनुपर्नेमा जोड दिनुभयो। उहाँले संघले व्यवसायीहरूलाई हकहित सुरक्षित गर्ने कामसँगै स्थानीयस्तरमा विकास र सामाजिक सहयोगका क्षेत्रमा पनि अग्रसर रहन शुभकामना व्यक्त गर्नुभयो।
