दाङ । भोली ४ गते दाङसहित देशैभर नेपाल बन्दको आह्वान गरिएको छ । नेपाल कम्युनिष्ट पार्टि, नेकपा मसाल, नेकपा क्रान्तिकारी माओवादी र नेकपा मालेले संयुक्त रुपमा भोली बुधबार दाङसहित देशैभर नेपाल बन्दको घोषना गरेको छ ।

प्रधानमन्त्री शेरबहादुर देउवाले बस्ने प्रतिनिधि सभाको बैठकमा मिलेनियम च्यालेञ्ज कर्पोरेशन सम्झौता एमसीसी पेस हुने बताएपछि नेपाल बन्दको घोषना गरिएको नेकपा क्रान्तिकारी माओवादीका दाङ जिल्ला सेक्रेटरी नरेन्द्र बन्जाडेले जानकारी दिनुभयो ।

अमेरिकी सहयोग परियोजना एमसिसिको विरोधमा रहँदै आएका चार पार्टीले भोली संयुक्त रुपमा नेपाल बन्दको घोषना गरेका छन् । भोली एम्बुलेन्स, दुध र तरकारी बोक्ने सवारीका साधनबाहेक सबै सवारीका साधन सञ्चालनमा रोक लगाईने बन्जाडेले जानकारी दिनुभयो ।

यसैबीच नेपाल बन्दको पूर्वसन्ध्यामा आजसाँझ घोराहीमा मशाल जुलुस तथा कोणसभा सम्पन्न भएको छ । बन्द गरेका राजनीतिक दलहरुले कोणसभा गरेका हुन ।