देवदह । रुपन्देहीको देवदह नगरपालिकामा स्थापना भएको लियो क्लब अफ लर्ड बुद्धको आयोजनामा एक दिने निशुल्क आँखा शिविर सम्पन्न भएको छ ।
लियो क्लब अफ लर्ड बुद्ध र लायन्स क्लब अफ बुटवल खस्यौलीको संयुक्त आयोजना, देवदह नगरपालिका वडा नं ३ को कार्यालयको सहयोग र बुटवल लायन्स आँखा अस्पताल को प्राबिधिक सहयोगमा देवदह नगरपालिका वडा नं. ३, बसन्तपुर स्थित फुलबारी आधारभुत बिधालयको प्रांगाणमा एक दिने निःशुल्क आँखा शिविर सम्पन्न भएको हो । शिविरमा १ सय २० भन्दा बढिले आँखा परिक्षण साथ साथै बिपि चेक जाच गरेका आयोजक संस्थाको अध्यक्ष शंकर पंगेनीले जानकारी दिनुभयो ।
शिविरमा नि:शुल्क आँखा जाँच गर्नुका साथै नि: शुल्क औसधि वितरण पनि गरिएको थियो । शिविरमा १२ जना मोतिबिन्दुको बिरामी भेटिएका थिए। उक्त शिविरमा मधुमेहबाट आँखामा असर देखा परेका बिरामिहरुलाई भने शल्यक्रिया लागि बुटवल लायन्स आँखा अस्पताल रिफर गरिने र शल्यक्रिया खर्च निशुल्क गरिने आयोजकले बताउनुभएको थियो ।
आँखा शरीरको महत्वपूर्ण अंग भएकोले यसको नियमित चेकजाँच र उपचार आवश्यक रहेको हुदा यो शिविरको आयोजना गरिएको कार्यक्रम संयोजक लियो अनिस पोखलले बताउनु भेएको थियो ।
कार्यक्रममा लियो क्लब अफ लर्ड बुद्धका अध्यक्ष शंकर पंगेनी र लायन्स क्लब अफ बुटवल खस्यौलीको अध्यक्ष विष्णु उपाध्याय को संयुक्त अध्यक्षतामा, देवदह नगरपालिका वडा नं ३ का वडा अध्यक्ष बैकुण्ठ कुवरको प्रमुख आतिथ्यता , फुलबारी आधारभुत बिधालयको सञ्चालक समिती अध्यक्ष ओम प्रसाद न्यौपानेको आतिथ्यता रहेको थियो ।
