बुटवल । अनेरास्ववियु रुपन्देहीले स्वर्गीय रामनाथ ढकालको स्मृतिमा सन्चालन गरेको जिल्ला स्तरीय छात्र भलिवल प्रतियोगिता अखिल कप २०७८ सम्पन्न भएको छ ।
३ दिन सम्म संचालन भएको प्रतियोगितामा मणिमुकन्द कलेज प्रथम भएको छ । मणिमुकन्द कलेजले बुटवल बहुमुखी क्याम्पसको टिमलाई २५-१९, २५-२३, २६-२४ को सोझो सेटमा जितेको हो ।
त्यस्तै यज्ञद्घय दुधनाथ थारु बहुमुखी क्याम्पस तेस्रो भएको छ । विजयी प्रथम टिमलाइ नगद तेत्तीस हजार, ट्रफी र प्रमाण पत्र त्यसैगरी द्वितियलाई नगद बाईस हजार, ट्रफी र प्रमाण पत्र अनि तृतीयलाई नगद एघार हजार ट्रफी र प्रमाण पत्र कार्यक्रम प्रमुख अतिथि नेकपा एमालेका सचिव छविलाल विश्वकर्माले प्रदान गर्नु भएको थियो ।
समापन कार्यक्रममा अनेरास्ववियु केन्द्रीय उपाध्यक्ष यमराज पाण्डे, नेकपा एमाले जिल्ला अध्यक्ष तेजेन्द्र केसी, अनेरास्ववियु सचिवालय सदस्य बालकृष्ण पाण्डे, केन्द्रीय सदस्य नवीन थापा सारु, साजन भण्डारी, कृष्ण बस्याल, अनेरास्ववियु जिल्ला अध्यक्ष शेषकान्त पोखरेल, सचिव प्रकाश पराजुली लगाएतको उपस्थिति रहेको थियो।
प्रतियोगितामा कुल २१ टिम सहभागी रहेको आयोजकले जनाएको थियो ।
