ललिता घिमिरे , देवदह । देवदह जेसीजद्वारा आयोजित प्रभावकारी बैठक एवम् संसदीय प्रक्रिया तालिम सम्पन्न भएकाे छ । वर्ष २०२२ का अध्यक्ष जेसी नेमराज न्यौपाने (राजेन्द्र)काे अध्यक्षता र देवदह नगर प्रमुख हिराबहादुर खत्रीको प्रमुख आतिथ्यतामा कार्यक्रम सम्पन्न भएकाे हाे ।
कार्यक्रममा नेपाल जेसिजका कार्यकारीणी उपाध्यक्ष जेसी अनिलबहादुर शाहीले प्रसिक्षण दिनुभएकाे थियाे । अध्यक्ष न्याैपानेले कार्यक्रमकाे औचित्यमाथि प्रकाश पार्नुभएकाे थियाे । कुनै पनि बैठककाे आयाेजना कसरी गर्ने, संचालन कसरी गर्ने, बैठक आयाेजना गर्दा क्रमसङ्गत, नितिगत विधि विधान लगायत बारे तालिममा सिकाईएकाे थियाे । संसदिय कार्यविधि प्रकियाका बारेमा आवश्यक जानकारी तालिममा गराईएकाे थियाे । कार्यक्रममा न्यु नमुना ईङ्गलिस बाेर्डिङ्गका प्राधानाध्यापक हाेमनाथ ढुङ्गाना, चेलि कृषि सहकारी संस्थाकाका अध्यक्ष साबित्रा बश्याल, संस्थाका संस्थापक अध्यक्ष जेसि सिनेटर विजय गुरूङ्ग लगायतले बाेल्नुभएकाे थियाे ।
प्रमुख प्रशिक्षक एवम् कार्यक्रमका विशिष्ट अतिथि शाहीले आगामी दिनकाे नेतृप्वमा पनि यस्तै साथ र सहयाेग रहने बताउनुभयाे । देवदह जेसिजका पुर्व उपाध्यक्ष चित्रबहादुर आलेकाे स्वागत र महासचिव दुर्गा दाहालकाे संचालनमा कार्यक्रम सम्पन्न भएकाे थियाे । तालिममा सहकारी सस्था, देवदहका विध्यालयका शिक्षक, आमा समुहका पदाधिकारी लगायत विभिन्न संघ-संस्थाका पदाधिकारी तथा प्रतिनिधिहरू गरी एकसय जना भन्दा बढीकाे सहभागिता रहेकाे थियाे ।
