ललिता घिमिरे , फागुन २६ । नेपाल तरुण दल देवदह नगर समितिले अनिश पुरी तेस्राे स्मृति दिवसको अवसरमा शैक्षिक सामाग्री वितरण कार्यक्रम सम्पन्न गरेको छ । नेपाल तरुण दल देवदहका सदस्य स्वं अनिश पुरीको सम्झनामा श्री सिक्टहन मावि देवदह-१२ ढाेलबजवामा विद्यार्थीहरुलाई उक्त शैक्षिक सामाग्री वितरण गरिएको हो । दुधनाथ कुवरकाे संयाेजनमा ४ विद्यालयका करिव ५० विद्यार्थीलाई झाेला र कापि वितरण गरिएकाे छ । सिक्टहन मावि, सुकुन्धरा देवी आधारभुत विद्यालय, शंखर आधारभुत विद्यालय र जनता आधारभुत विध्यालय देवदहका गरिव तथा जेहेन्दार विध्यार्थीलाई झाेला र कापि वितरण गरिएकाे समितिले जनाएकाे छ । साथै सहभागी विध्यालयलाई पुरी परिवारले ५ हजार का दरले रकम सहयाेग गरेकाे छ ।
तरुण दल देवदहका अध्यक्ष मोहन जि.सीको अध्यक्षता र पूर्व राज्य मन्त्री एवंम नेपाली काग्रेस केन्द्रीय सदस्य अव्दुल रज्जाकको प्रमुख आतिथ्यतामा भएको कार्यक्रममा क्षेत्रिय सचिव विजय गुरूङ्, महाधिवेशन प्रतिनिधि मिना पाैडेल, पुर्व क्षेत्रय सभापति विश्वनाथ यादव, देवदह नगर सभापति गुनाखर भुर्तेल, नेपाली कांग्रेस वार्ड नं १२ का वार्ड सभापति वेगबहादुर थापा, अनिश पुरीकाे परिवार लगायतकाे सहभागितामा कार्यक्रम भएकाे थियाे । कार्यक्रममा बाेल्दै अध्यक्ष जि.सिले अनिस पुरी स्मृति दिवस यसैगरी हरेक वर्ष मनाईने बताउनु भएकाे थियाे । विष्णु न्याैपानेकाे स्वागत र सचिव किशन पौडेलको सञ्चालनमा कार्यक्रम सम्पन्न भएको थियो ।
