देवदह // रुपन्देहीको देवदह नगरपालिका वडा नं ८ मा महिला दिदिबहिनी संग अन्तरक्रिया कार्यक्रम सम्पन्न भएको छ ।उपमेयर संग महिला लक्षित कार्यक्रम अन्तर्गत वडामा महिला दिदिबहिनीहरुको आवश्यकता अनुसारको कार्यक्रम उपलब्ध गराउने हेतुले सो कार्यक्रम आयोजना गरिएको देवदह नगरपालिकाका नगर उपप्रमुख विद्यालक्ष्मी गुरुङले जानकारी दिनु भयो ।
कार्यक्रमकाे प्रकाश पार्दै गुरुङले महिलाहरु आर्थिक , सामाजिक र शैक्षिक हिसाबले पछि परिरहेको बताउनुभयो। जब सम्म महिलाहरू आर्थिक हिसाबले बलियो हुदैनन् तब सम्म कोई पनि सबल हुन नसक्ने उहाले बताउनुभयो । पहिला विभिन्न तालिमहरु भएपनि तालिममै मात्र सिमित रहकाे बताउदै अघिल्लो स्थानीय सरकार पछि उपप्रमुख संग महिला लक्षित कार्यक्रम राखिएको र यस बाट महिलाहरकाे अपेक्षा अनुसार उनीहरूकै रोजाईमा आगामी दिनमा अन्य कार्यक्रम पनि राखिने उहाले बताउनुभयो । उपप्रमुख संग महिला कार्यक्रम अन्तरगत नै अघिल्लो ५ बर्षमा मखमलको जुत्ता बनाउने, ढकिया बनाउने, सिलाई कटाई , चुरा पोते लगायत विभिन्न तालिमहरू आयोजना गरिएको थियो । उहाले महिला सक्ष्म भए घर, परिवार र समाज सक्ष्म हुने बताउनुभयो।
अन्तरक्रिया कार्यक्रममा कुरा राख्दै सहभागी बाट महिलाहरुले उत्पादन गरेका वस्तुको बजारको उचित व्यवस्थापन नभएको, लगानी नउठ्ने समस्या रहेको बताएका थिए । कार्यक्रम देवदह नगरपालिका वडा नं ८ का वडा अध्यक्ष हरि पाण्डेको अध्यक्षता, वडा सदस्य हरि पौडेलको स्वागत र वडा सचिव राम प्रसाद शर्माको सञ्चालनमा भएको थियो।
