बेचेले एसिड प्रहार गर्दा ४९ वर्षिय भाई भीमबहादुर रावत, उनकी ४० वर्षीया श्रीमती दिपा रावत र छिमेकी ३२ वर्षीय भीमबहादुर रावत घाइते भएको जिल्ला प्रहरी कार्यालय सल्यानका प्रहरी निरीक्षक सन्तोष खनालले जानकारी दिनुभयो । घाइते तीनै जनाको नेपालञ्जमा सामान्य उपचारपछि अहिले काठमाडौंमा उपचार भइरहेको छ । उनीहरुको अवस्था खतरामुक्त रहेको आफन्तहरुलाई उदृत गर्दै खनालले बताउनुभयो।सोमबार साँझ ७ बजेतिर भाइ–बुहारीसँग आर्थिक विषयमा विवाद हुँदा बेचेले एसिड प्रहार गरेका थिए । उनले मदिरा सेवन गरेर एसिड प्रहार गरेको पाइएको प्रहरी निरीक्षक खनालले बताउनुभयो ।

उहाँका अनुसार बेचेलाई सोमबार नै प्रहरीले पक्राउ गरेको थियो । अदालतबाट म्याद थप गरी उनीमाथि अहिले अनुसन्धान भइरहेको छ । बेचेले सल्लाको खोटो निकाल्न प्रयोग हुने एसिड प्रहार गरेका थिए ।