तर पछिल्लो समयमा भने कामले गति लिएको छ । तिन जिल्लाको प्रसिद्ध धार्मिक तिर्थस्थल पाल्पा ,गुल्मी ,स्याङ्गजा जिल्लालाई जोड्ने कालीगण्डकीको रिडीमा निर्माण हुन लागेको नेपालकै नमूना तीन मुखे पुल लामो समयदेखि निर्माणकार्य नहुँदा सम्पन्न हुसकेको थिएन ।
तर पछिल्लो केहि महिना यता भइरहेको निर्माण कार्यले अब छिट्टै पुरा हुने देखिएको छ । लामो समय पुलको काम नहुदा समग्र रुरुबासिमा नैरास्यता छाएको थियो ।
ठेकेदार कम्पनीले कहिले बाढी कहिले पहिरो कहिले कोरोना त कहिले आर्थिक अभाव लगायतका यस्तै समस्यालाई देखाउदै समयमै पुलको निर्माण कार्य सम्पन्न हुन सकेन । अहिले प्रत्येक लुठाको दुईतिर जाली, लाइटिङ, टपमा सोलार र भ¥याङ, रेलिङ निर्माण र झन्डा राख्ने संरचना निर्माणको काम भइरहेको र अबको बैशाख भित्रमै सम्पुर्ण कामहरु सकिने लब्लीना कन्स्ट्रक्सनका निर्माण व्यावसयी सुशान्त यादवले बताए ।
पुलमने बैशाक १ गते भित्र उक्त पुलको उदघाटन गर्ने गरी तयारी भएको उनको भनाई छ । े तीन मुखे पुलको ०७४ सालको असार ९ गते निर्माण कार्य सम्पन्न गर्ने गरि ०७१ मंसिर १५ गते निर्माण कार्य सुभारम्भ भएको थियो । कुल ९ करोड ८८ लाख २६ हजार ३ सय ३२ लागतमा बन्न लागेको पुल नयाँबाटो –रुबिना—मना जेबिले निर्माणको जिम्मा पाएका थिए।
यो पुल संचालनमा आएपछि आन्तरीक तथा बाह्य पर्यटकको घुईचो हुने दखिएको छ । जसले गर्दा स्थानिय व्यावसायीहरु लगाएत अन्य नागरिकहरु समेत हर्सित भएको स्थानीय भिस्म ज्ञवालीले बताए ।
पुल निर्माण भएमा त्यस क्षेत्रको धार्मिक र पर्यटकीय विकासमा सहयोग पुग्ने र कालीगण्डकीको करिडोरसंगै रुरु क्षेत्रमा बन्न लागेको पुलले यस क्षेत्रको पर्यटन प्रवद्धनमा समेत सहयोग पु¥याउने स्थानियको भनाई छ । कालीगण्डकी नदीको बीचमा ९ मिटर रनिङ गोलाइ भएको पिल्लर निर्माण भएको छ ।
पुलमा २५ मिटर उचाइ सहितको भ्युटावर, ३ जिल्लाको तीनैतर्फ १ सय ७७ मिटर लामो झोलुंगे पुल निर्माण गरिएको छ । यो पुलले स्याङ्जाको कालीगण्डकी गाउँपालिका– १ चण्डीभञ्ज्याङ, पाल्पाको तानसेन नगरपालिका– १४ अर्गली र गुल्मीमा रुरुक्षेत्र गाउँपालिका– १ रिडी जोडेको छ ।
पुल बनेसँगै पुलको एउटा मुखबाट पस्ने मान्छे जुन जिल्लामा जान चाह्यो त्यहि जिल्लामा जान सक्ने डिजाइन रहेको छ । नेपालमै नुमनाको रूपमा रिडिमा तीन मुखे झलुङे पुल बनेसँगै गुल्मी, पाल्पा र स्याङजाका स्थानीयहरू सहजताका साथ एकै ठाउँमा जोडिने छन् ।
