काठमाडौं। काठमाडौंको शंकरापुर- २ बाट एमालेको सिङ्गो वडा कमिटी नै एकीकृत समाजवादीमा समाहित भएको छ ।
वडा कमिटी सचिव सुमन लामा सहित कमिटीका ८ जना सदस्यलाई पार्टी अध्यक्ष माधवकुमार नेपालले आज पार्टी केन्द्रीय कार्यालयमा स्वागत गर्नुभयो ।
उक्त अवसरमा पार्टी अध्यक्षले भन्नुभयो- ‘एमालेमा रहनुभएका साथीहरू अन्याय र अत्याचारबाट आजित हुनुभएको छ, त्यहाँ उकुसमुकुस भएर विद्रोह गर्ने लहर शुरु भएको छ ।’ अहिले साथीहरूको विद्रोहको लहर चलेर ठाउँ ठाउँबाट एमालेमा पहिरो गइरहेको उहाले बताउनुभयो । केही दिनमै सिन्धुपाल्चोक एमालेमा समेत ठूलो पहिरो जाने उहाको भनाई छ ।