सुरज भट्टराई , देवदह । रुपन्देहीको देवदह नगर भरीका विभिन्न स्थानमा “नो माक्स , नो मुभमेन्ट” अभियान अन्तर्गत पाचौं दिन आज भलुही चोकमा सम्पन्न भएको छ । उज्यालो लाल्टिन प्रतिष्ठान, कामना सेवा विकास बैंक र देवदह प्रहरी चौकीको संयुक्त आयोजनामा उक्त कार्यक्रम सम्पन्न भएको हो ।
अभियानमा बजारक्षेत्रमा हुने मानिसको चापलाई मध्यनजर गर्दै यात्रु, सर्वसाधरण र सवारी चालकलाई निशुल्क माक्स वितरण गरी अनिवार्य मास्कको प्रयोग गर्न र स्वास्थ्यका मापदण्ड पालना गर्न सर्वसाधारणलाई अनुरोध गरिएको उज्यालो लाल्टिन प्रतिष्ठानका अध्यक्ष सागर कंडेलले बताए ।
अभियानको पहिलो दिन खैरेनी चोकमा, दोश्रो दिन शित्तलनगर चोक , तेश्रो दिन भवानीपुर चोक र चौथो दिन भने ढेकावर ६ नं चोकमा गरिएको देवदह प्रहरी चौकीका प्रहरी निरीक्षक गंगा सारुले बताए । अभियानले ‘म पनि माक्स लगाउँछु र अरूलाई पनि मास्क लगाउन प्रेरित गर्छु’ भन्ने सन्देश दिने उनको भनाइ छ ।
