देवदह । रूपन्देहीको देवदहमा सञ्चालन भईरहेको ९ औंं राष्ट्रिय देवदह औद्योगिक व्यापार मेला, कृषि तथा पर्यटन महोत्सवमा भजन प्रतियोगिता सम्पन्न भएको छ ।
पछिल्लो समय भजन लोप हुदै गएको अवस्थामा त्यसको संरक्षण, सम्वद्र्धन गर्ने उदद्देश्यका साथ प्रतियोगिताको आयोजना गरेको मूल आयोजक समितिका संयोजक कोषबहादुर गुरुङ्गले जानकारी दिनु भयो । संयोजक गुरुङ्गका अनुसार युवा पुस्ताले भजन विर्सदै गएको अवस्थामा युवा पुस्तालाई हस्तान्तरण गर्ने गरी महोत्सवमा भजन प्रतियोगिता आयोजना गरेको बताउनु भयो । प्रतियोगितामा क्षेत्रमा रहेका ९ वटा भजन समुहहरुको सहभागिता रहेको सांस्कृति उपसमितिका संयोजक पिताम्वर खरेलले जानकारी दिनु भयो।
प्रतियोगितामा हरि कृर्तन भजन समुह प्रथम, माथागढी एकादशी भजन समुह द्धितिय, नव दुर्गा भजन समुह तृतिय भएको छ । प्रतियोगितामा विजेता बनेको भजन समुहले नगद ७ हजार, उपविजेताले नगद ५ हजार र तृतिय स्थान प्राप्त गर्ने भजन समुहले नगद ३ हजार प्राप्त गरेको संयोजक खरेलले जानकारी दिनु भयो । प्रतियोगिताको राष्ट्रिय कलाकार नारायण लेकाली र भरत क्षेत्रीले निर्णायकको भूमिका निर्वाह गर्नु भएको थियो ।
