तिलोत्तमा । नेकपा एमाले निकट अखिल नेपाल किसान महासंघ रुपन्देहीले धान दिवसको अवसरमा तिलोत्तमाको भलवारीमा स्थानीयको खेतमा रोपाई गरेर मनाएको छ।
असार १५ को दिन किसानहरुले धान दिवसको रुपमा मनाउदै आएको छ। मानो रोपेर मुरी उब्जाउने दिनको रुपमा रहेको यो दिन किसानको लागि महत्त्वपूर्ण दिन हो।
कार्यक्रममा बोल्दै नेकपा एमाले पोलिटब्युरो सदस्य दधिराम न्यौपानेले किसानका मुद्दा प्रती सरकार गम्भीर नभएको बताउनु भएको थियो । सोही कार्यक्रम बोल्दै नेकपा एमाले रुपन्देही जिल्ला कमिटीका अध्यक्ष तेजेन्द्र केसीले कुरामा भन्दा काममा जोड दिनुपर्ने बताउनुभएको थियो।
एमाले प्रदेश कमिटी सदस्य तथा प्रतिनिधिसभाका सदस्य बासुदेव घिमिरेले किसानका समस्या निरन्तर उठान गर्ने प्रतिवद्वता ब्यक्त गर्नुभएको थियो।
किसान महासंघका जिल्ला अध्यक्ष कृष्णप्रसाद पन्थीको अध्यक्षतामा सम्पन्न भएको कार्यक्रममा पार्टीका विभिन्न कमिटीमा आवद्वहरुको बाक्लो उपस्थिति रहेको थियो ।
