देवदह बुद्ध पब्लिक आवासीय माध्यमिक विद्यालयले शनिबार अभिभावक अभिमुखीकरण कार्यक्रम सम्पन्न गरेको छ। विद्यालय परिसरमा आयोजित कार्यक्रममा कक्षा ४, ५ र ६ का अभिभावकका लागि बिहान सत्र तथा कक्षा ७, ८, ९ र १० का अभिभावकका लागि दिउँसो सत्र सञ्चालन गरिएको थियो।
कार्यक्रममा ‘आइएसओ’ नेपालका प्रतिनिधि रेवत रानाले अभिभावकलाई अभिमुखीकरण प्रदान गरेको विद्यालयले जनाएको छ। कार्यक्रममा ‘आइएसओ’का कन्ट्री डाइरेक्टर सुदीप शर्मा तथा लुम्बिनी प्रदेश इन्चार्ज टीकाराम शर्माको पनि उपस्थिति रहेको थियो।
विद्यालय सञ्चालक समितिका अध्यक्ष सुवकान्त न्यौपानेको अध्यक्षतामा सम्पन्न कार्यक्रममा विद्यालयका प्रिन्सिपल कृष्णप्रसाद गैरेले स्वागत मन्तव्य व्यक्त गरेका थिए। अतिरिक्त क्रियाकलाप प्रमुख ढुन्डिराज मरासिनीको सञ्चालनमा सम्पन्न कार्यक्रममा दुवै सत्रमा गरी कुल ३१० जना अभिभावकको सहभागिता रहेको जनाइएको छ।
कार्यक्रममा विद्यालयका सहायक प्रिन्सिपल वेद सूर्यवंशी, सहायक प्रिन्सिपल रोसी गुरुङ, प्रा.वि. इन्चार्ज अञ्जना ओली लगायत शिक्षकहरूको उपस्थिति रहेको थियो।
