भारत र श्रीलंकामा आयोजना हुने आईसीसी पुरुष टी–२० विश्वकप २०२६ मा ९ वटा एसोसिएट राष्ट्रले प्रतिस्पर्धा गर्नेछन् । तीमध्ये इटली पहिलो पटक टी–२० विश्वकप खेल्दैछ ।
युरोपियन छनोट पार गर्दै इटलीले इतिहास रचेको हो । स्कटल्यान्डलाई हराएर र जर्सीलाई रनरेटमा पछि पार्दै इटली विश्वकपमा पुगेको हो । इटली समूह ‘सी’ मा इंग्ल्यान्ड, नेपाल, स्कटल्यान्ड र वेस्ट इन्डिजसँग खेल्नेछ ।
क्यानडाले अमेरिकी रिजनल छनोटमा सबै खेल जित्दै विश्वकपमा स्थान बनायो । नामिबिया अफ्रिका छनोटबाट चौथोपटक विश्वकप खेल्दैछ । नेपालले एसिया–इएपी छनोटमा अपराजित रहँदै तेस्रो पटक टी–२० विश्वकपमा स्थान बनाएको हो ।
नेदरल्यान्ड्स युरोपबाट, ओमान एसियाबाट, स्कटल्यान्ड वरियताको आधारमा, यूएई एसिया छनोटबाट र अमेरिका २०२४ को प्रदर्शनका कारण सिधै विश्वकपमा पुगेका हुन् ।
यी टोलीहरूले ठूला राष्ट्रहरूसँग प्रतिस्पर्धा गर्दै विश्वकपमा नयाँ इतिहास रच्ने लक्ष्य लिएका छन् ।
