देवदह । रुपन्देहीको देवदहमा बालमैत्री स्थानीय शासनको सुचकको सुनिश्चिता एवम् घोषणा पश्चातको दिगोपनको लागि रणनीतिक योजना तयारी कार्यशाला गोष्ठी सम्पन्न भएको छ। देवदह नगरपालिका वडा नं ८ लाई बालमैत्री वडा घोषणा गराउन विभिन्न कार्यक्रम भैरहदा त्यसलाई दिगोपन बनाउन आवश्यक रणनीतिक योजना निर्माण गरिएको हो ।
सो अवसरमा देवदह नगरपालिका वडा नं ८ का वडा अध्यक्ष हरी प्रसाद पाण्डेयले वडालाई यही असार मसान्तभित्र बालमैत्री वडा घोषणा गर्ने तयारी अन्तिम चरणमा रहेको जानकारी दिनुभयो। उहाँले बाल अधिकारको संरक्षण र बालमैत्री संरचना निर्माणमा वडा प्रतिबद्ध रहेको समेत बताउनुभयो। साथै, समुदायको सक्रिय सहभागिताले लक्ष्य प्राप्तिमा सहयोग पुग्ने उहाँको विश्वास छ।
सोहि अवसरमा बाल मैत्री घोषणा पश्चातको दिगोपनको लागि प्रतिवद्द्ता पत्रमा हस्ताक्षर समेत गरिएको छ । प्रतिवद्द्ता पत्रमा वडा अध्यक्ष, जनप्रतिनिधि, विभिन्न संघ संस्थाका सरोकारवालाहरु, बालसञ्जालका पदाधिकारीहरु तथा सदस्य लगाएतले हस्ताक्षर गरेका थिए ।
