देवदह बुद्ध पब्लिक आवासीय मा.वि. मा राष्ट्रिय सेवादल NCC क्याडेट छनोट भएका विद्यार्थीहरुलाई एक कार्यक्रमकाबिच प्रवचन प्रदान गरिएको छ ।
विद्यालयका प्रिन्सिपल कृष्ण प्रसाद गैरेको अध्यक्षता रहेको उक्त कार्यक्रममा सहायक प्रिन्सिपल वेद सूर्यवंशीले स्वागत मन्तव्य प्रदान गर्नु भएको थियो ।
राष्ट्रिय सेवादलमा छनोट विद्यार्थीहरुलाई तारादल गणका गणपति प्रमुख सेनानी सुवर्ण खड्काले प्रवचन प्रदान गर्नु भएको थियो । उहाँले NCC कार्यक्रमले विद्यार्थी भाइबहिनीहरुमा, उत्साह, आत्मबल अनुशासन र मनैदेखि सेवाको भाव पैदा गराउने कुरामा आफू विश्ववास्त रहेको कुरा व्यक्त गर्नु भयो ।
सम्पूर्ण क्याडेट छनोट विद्यार्थीहरुलाई आफू, आफ्नो देश र देशको माटोलाई चिनेर यही देशमा भविष्य खोज्न समेत सुझाव दिनु भयो ।
विद्यालयका अतिरिक्त क्रियाकलाप प्रमुख ढुण्डिराज मरासिनीको सञ्चालन रहेको उक्त कार्यक्रममा सहायक प्रिन्सिपल रोशी गुरुङ्ग मा.वि. इन्चार्ज मुक्ति विश्वकर्मा,+२ इन्चार्ज अनन्तराम भण्डारी लगायत शिक्षक कर्मचारीको उपस्थिति थियो ।
