रुपन्देही // रुपन्देहीको कञ्चन गाउँपालिका वडा नं. ३ मा अवस्थित हरैया बहुमुखी क्याम्पसमा कविता लेखन तथा वाचन प्रतियोगिता सम्पन्न भएको छ। ´ फूल ` शीर्षक दिएर प्रतियोगी विद्यार्थीलाई कविता लेख्न र वाचन गर्न लगाइएको थियो।
प्रतियोगितामा बि.एड. चौँथो वर्षका रेखा प्रजापति प्रथम, बि.एड. तेस्रो वर्षका हरिकुमारी थारु द्वितीय, बि.एड. तेस्रो वर्षकै जीवनकुमार धवल तृतीय र बि. एड. प्रथम वर्षका राजनन्दनी हरिजनले सान्त्वना स्थान हाँसिल गरेका छन्।
कार्यक्रममा आफ्नो विचार राख्दै शिक्षाशास्त्र विभाग प्रमुख विनोद पौडेलले यसप्रकारले प्रतियोगितामा सहभागी हुँदा विद्यार्थीको प्रतिभामा अझै निखार आउने कुरामा जोड दिनुभयो। १६ जना प्रतियोगी सहभागी कार्यक्रम शिक्षाशास्त्र विभाग प्रमुख विनोद पौडेलको अध्यक्षता, शिक्षक केबि धुवाँलेको सञ्चालन र प्राध्यापक तथा विद्यार्थीहरुको उपस्थितिमा सम्पन्न भएको हो।
