बुटवल । ख्याहा पाल्पा काठमाडौ समाज नेपालले प्रथम संस्कणको खुल्ला कृकेट प्रतियोगिता को लागी आर्थिक संकलन कार्य तिव्र पारेको छ ।
हालसम्म नेपालका विभिन्न ठाँउ तथा नेपाल बाहिर भारत, अमेरिका, जापान, स्वीडेन, माल्टा, क्यानडा, दुवै लगाएत ख्याहा जन्मस्थान भई रोजगारी तथा अध्ययनको शिलशिलामा विभिन्न ठाउमा पुगेका नेपालीहरूबाट आर्थिक सहयोग उपलब्ध भएको ख्याहा पाल्पा काठमाडौ समाज नेपालका सचिव कमल पाण्डेले जानकारी गराए ।
बिगत १० बर्स देखि सामाजिक कार्य मा अग्रसर हुँदै काठमाडौमा स्थापना भएपनी आफ्नो जन्मभुमीमा विविध कार्यक्रम गर्न लागेको भन्दै धरैले बधाई तथा शुभकामना सहित आफुले सक्ने आर्थिक सहयोग गर्ने क्रम नरोकिएको र हाल सम्म एक लाख बढी संकलन भएको सचिव पाण्डेले बताए । आर्थिक सहयोगको लागि समाजले आर्थिक विभाग प्रमुख विष्णु प्रसाद पाण्डेको QR काेड तथा बैक खाता नम्बर उपलब्ध गराएको थियो । जसबाट सिधै स्यान गरी रकम सहयाेग गर्न सकिन्छ ।
बिजया दशमी तथा दिपावलीको अवसर पारेर ख्याहा पाल्पा काठमाडौ समाज नेपालले पाल्पाको ख्याहा कराम्दी कृकेट मैदानमा खृल्ला कृकेट खेलको आयोजना गर्ने भएको हाे ।
खेल अबधीमा खेलाडिहरुलाई चोटपटक लागेमा प्राथमिक उपचारको लागि हेल्प डेस्क र उपचार सामाग्री सहित खेलाडिहरुको सहजिकरणको लागि रिब्दिकोट गा.पा .१ ख्याहा साबिक वार्ड नं. ७ मा रहेको श्री कृष्ण युवा क्लबले जिम्मा लिएको छ ।
कार्तिक ८ देखी १० गते सम्म हुने कृकेट प्रतियोगितामा बिजयी हुने बिजृताले नगर रु. ५१०००, ट्रफी, मेडल र प्रमाणपत्र, उपबिजेताले नगर रु. २१००० प्रमाणपत्र र मेड्ल र उत्कृष्ट खेलाडीले आकर्षक पुरस्कार पाउनेछन ।
