पोखरा, गण्डकी प्रदेशसभाको उपसभामुख पदमा नेकपा एमालेकी विनाकुमारी थापा निर्वाचित भएकी छन। प्रदेश सभाको दोश्रो कार्यकालका लागि भएको निर्वाचनमा थापाले ३२ मत सहित उप सभामुख पदमा जित पक्का गरेकी हुन।

प्रदेशसभाको सोमबार बसेको बैठकमा उपसभामुखका लागि भएको मत बिभाजनमा थापाको पक्षमा ३२ मत प्राप्त भएको छ भने विपक्षमा २६ मत प्राप्त झरेको थियो ।

थापालाई एमालेका २२, माओवादी केन्द्रका ७, राप्रपाका २ र स्वतन्त्र सांसदले पक्षमा मत दिएका थिए । लमजुङबाट कांग्रेसका सांसद पार्वती तामाङले उपसभामुखमा उम्मेदवारी दिएपनि उनी पराजित भईन् ।सोमवार भएको उप सभामुख पदको निर्वाचनका लागि प्रदेशसभाको बैठकमा ५८ सांसद सहभागी रहेका थिए ।