राष्ट्रिय स्वतन्त्र पार्टीका सभापति तथा सांसद रवि लामिछानेले यो सरकार कामले बोल्ने भाषण कम गर्ने बताएका छन ।
प्रतिनिधिसभाको बिहीबारदेखि सुरु भएको बैठकको पहिलो वक्ताको रूपमा धारणा राख्दै लामिछाने सो कुरा बताएका हुन । उनले भने, “हामी सबैको एउटै लक्ष्य मुलुकको समृद्धि हो, त्यसमा केन्द्रित रहने छौं ।” अहिलेको सरकारलाई जनताले दिएको चुनावी म्यान्डेट परिवर्तन भएको हो ।
सभापति लामिछानेले वर्तमान सरकारले समस्या देखाउनुभन्दा समाधानको बाटोमा लाग्ने बताउँदै यो सरकारलाई जनताको समस्याको आवाज सुनाउदा कुनै सांसदको बोल्ने क्रममा माइक नकाटिने तथा सुशासनको बेग नघट्ने बताए ।
जनजी विद्रोहको सन्तानको रूपमा वर्तमान सरकार भएको बताउँदै सभापति लामिछानेले परिवर्तन र विकासको सुनिश्चितता गर्दै । निजी क्षेत्रका लागि लगानी सुनिश्चित् गर्ने तर्फ लाग्ने बताए । सरकारको नेतृत्व गरेको दलको नाताले सरकारको तर्फबाट अहिलेसम्म गरिएको विभेदप्रति उनले दलितप्रती क्षमायाचना समेत गरे।
शिक्षा र रोजगारीमा बराबर पहुँच कायम गर्ने बताउदै सभापति लामिछानेले महिलामाथिको सबै किसिमको हिंसामा शून्य सहनशीलता कायम गरिने बताए । ज्येष्ठ नागरिकको सामाजिक सुरक्षाको सुनिश्चित्ता गरिने तथा विदेशमा रहेका नागरिकलाई स्वदेशमै काम गर्ने वातावरण बनाउने र यहाँको प्राकृतिक स्रोत साधनको सदुपयोग गरी यही रोजगारी सिर्जना गर्ने कुराको प्रतिबद्धता जनाएका थिए।
