मुस्ताङ एयरको हेलिकप्टर दोलखाबाट सम्पर्कविहीन भएको छ।
मुस्ताङ एयरको नाइन एन एएनओ कलसाइन भएको हेलिकप्टर दोलखाको लुम्लाङबाट आज सम्पर्कविहीन भएको हो।
उक्त हेलिकप्टर बिहान १० बजेर १० मिनेटमा बिगु गाउँपालिका १ लुम्नाङबाट लाप्त्चेतर्फ उडेको थियो।
काठमाडौंबाट हाइड्रोको कर्मचारी लिएर आएको हेलिकप्टर लुम्लाङ अवतरण गर्न नसकेपछि लाप्त्चेतर्फ लागेको जिल्ला प्रहरी कार्यालय दोलखा प्रहरी निरिक्षक कमल लिङगेलले बताए ।
उनले भने,‘ यहाँको मौसम खराब भएको कारण अवतरण गर्न नसकेपछि लाप्त्चेमा अवतरण गर्न गएको थियो । तर अहिलेसम्म अवस्था अज्ञात छ ।’ उनका अनुसार अहिले उक्त क्षेत्रमा सईको कमाण्डमा प्रहरी टोली परिचालन गरिएको छ ।
क्याप्टेन सुरज थापासहित ५ जना माथिल्लो हाइड्राेका कर्मचारीहरु सवार सम्पर्कविहीन छन् ।
सम्पर्कबिहीन भएको ठाउँमा पुग्न ६ ७ घण्टा लाग्ने उनको भनाइ छ । मावन बस्ती पनि पातलो भएको र मौसम खराबी भएको कारण खोजीमा समस्या भएकाे उनले बताए ।
यो खबर पढेर तपाईंलाई कस्तो महसुस भयो ?
0%
😊
खुशी
0%
😢
दुःखी
0%
🤔
अचम्मित
0%
😆
उत्साहित
0%
😡
आक्रोशित
कुल प्रतिक्रिया: 0
