टी–२० विश्वकप हिजो सनिवार देखि सुरु भएको छ ।
आगामी फागुन २४ गतेसम्म भारत र श्रीलङ्कामा संयुक्त रूपमा आयोजना हुने यो विश्वकपमा नेपालले तेस्रोपटक सहभागिता जनाउँदैछ।
विश्वकप क्रिकेटअन्तर्गत नेपालले पहिलो खेल इङ्गल्याण्डसँग खेल्दैछ । भारतको मुम्बईस्थित वानखेडे रङ्गशालामा आज आइतबार समूह सि मा रहेको नेपालले पहिलो खेलको रुपमा इङ्गल्याण्डसँग प्रतिस्पर्धा गर्न लागेको हो।
इङ्गल्याण्ड तुलनात्मक रूपमा नेपालभन्दा बलियो टिम रहेको छ। इङ्गल्याण्ड पुरुषहरूको टि–ट्वान्टी विश्व वरियतामा तेस्रो नम्बरमा छ।
नेपाल भने वरियता क्रममा एक स्थान सुधार गर्दै १६औं स्थानमा उक्लेको छ। ह्यारी ब्रुकको कप्तानीमा रहेको इङ्गल्याण्डले भोलि नेपालसँग हुने खेलका लागि आजै बलियो टोलि घोषणा गरेको छ।
इङ्गल्याण्ड टोलिमा कप्तान ब्रुकसहित फिल साल्ट, जोस बटलर, जेकब बेथेल, टम ब्यान्टन, साम करन, विल ज्याक्स, लियाम डसन, जोफ्रा आर्चर, आदिल राशिद र ल्यूक वुडलाई उतार्ने भएको हो।
नेपाली टोलिमा कप्तान रोहित पौडेल सहित उपकप्तान दिपेन्द्र सिंह ऐरी, सन्दिप लामिछाने, कुशल भुर्तेल, आशिफ शेख, लोकेश बम, सन्दिप जोरा, आरिफ शेख, गुल्शन झा, सोमपाल कामी, करण केसी, नन्दन यादव, शेर मल्ल, बसिर अहमद र ललित राजवशी रहेका छन ।
