बुटवल । पाकिस्तानलाई हराउँदै यूएई पहिलाे पटक एसीसी १९ वर्षमुनिकाे एसिया कप क्रिकेटकाे फाइनलमा पुगेकाे छ । आज शुक्रवार भएकाे पहिलाे सेमिफाइनल खेलमा यूएईले पाकिस्तानलाई ११ रनले हरायाे ।
यूएईले दिएकाे १ सय ९४ रनकाे लक्ष्य पछ्याएकाे पाकिस्तानले ४९ ओभर ३ बलमा १ सय ८२ रन बनाउँदा अल आउट भयाे । पाकिस्तानका कप्तान साद बागले ५० र अजान अवैसले ४१ रन बनाए । बलिङतर्फ अयमान अहमद र हार्दिक पाईले समान २ विकेट लिए । पाकिस्तानका ३ जना खेलाडी रन आउट भए ।
त्यस्तै भारतलाई हराउँदै बङ्ग्लादेश १९ वर्षमुनिकाे एसिया कप क्रिकेटकाे फाइनलमा पुगेकाे छ । आजै भएकाे दाेस्राे सेमिफाइनल खेलमा बङ्ग्लादेशले भारतलाई ४ विकेटले हरायाे ।
भारतले दिएकाे १ सय ८९ रनकाे लक्ष्य बङ्ग्लादेशले ४२ ओभर ५ बलमा ६ विकेट गुमाएर भेटायाे । बङ्गलादेशका अरिफुल इस्लामले सर्वाधिक ९४ रन बनाए । यस्तै अहरर अमिनले ४४ रन जाेडे । बलिङतर्फ भारतका नमन तिवारीले ३ र राज लिम्बानीले २ विकेट लिए ।
