भदौ २३ र २४ को जेनजी आन्दोलनका क्रममा विभिन्न किसिमका अपद्रव तथा आपराधिक गतिविधिमा संलग्नमध्ये ४ जना पुर्पक्षका लागि जेल चलान भएका छन् ।
१२ जनामाथि जिल्ला प्रहरी परिसर, काठमाडौंको हिरासतमै राखेर अनुसन्धान चलिरहँदा पक्राउ परेका ८२ जना हाजिर जमानीमा छुटेका छन् ।
काभ्रेको रोशी गाउँपालिका– ९ राजबास घर भई काठमाडौंको बालुवाटारमा डेरा गरी बस्ने वर्ष २८ का क्याप्छाकी र मकवानपुरस्थ्ति थाहा नगरपालिका– ७ बतासे घर भई काठमाडौँको चन्द्रागिरीमा डेरा गरी बस्ने २१ वर्षीय सोनाम भन्ने थिङले २४ गते महारागञ्जमा दुई प्रहरीको हत्यामा संलग्न रहेको साविती बयान दिएका थिए ।
प्रहरीस्रोतका अुनसार प्रहरी जवान उत्तम थापालाई महाराजगञ्ज प्रहरी बृत्तबाट लखेट्दै भाटभटेनीको पर्खालमा लगेर कुटपिट गरेको बयान दिएका थिए । कुटाईबाट अचेत भएपछि उनलाई घिसारेर मुख्य सडकमा लगिएको र अन्य व्यक्तिले पनि थप कुटपिट गर्दा उनको ज्यान गएको स्वीकारेका थिए ।
दुबैका विरुद्ध प्रहरीले ज्यानसम्बन्धी मुलुकी फौजदारी अपराध संहिताको दफा १७७ अन्तर्गतको कसुरमा जन्मकैदको सजाय मागदाबी गरेको छ ।
