देवदह । रुपन्देहीको देवदहमा संचालित डान्स अफ देवदह प्रतियोगिता अन्र्तगत १० जना छनोट भएको छ । द फ्लाई हाई डान्स स्टुडियो देवदहको आयोजनामा भएको डान्स अफ देवदह अन्र्तगत भएको प्रतियोगिताबाट १० जना चयन भएको हो ।
प्रतियोगिता अन्र्तगत आरध्या पौडेल, एडिना क्षेत्री, टिना फौजालीमगर, सलुना थापा, जिया बानिया, अकेशा थापा, यूनिका पुन, परिशा शाही, नुराग सारु, जेनिक्षा घर्ती चयन भएको आयोजकले जनाएको छ । प्रतियोगितामा साजन गुरुङ्ग, कृष्णकुमारी घलेले निर्णायकको भूमिका निर्वाह गरेको थियो । ३० जना प्रतियोगितबाट अन्तिम राउण्डको लागि १० जना छनोट भएको सल्लाहकार विश्व गुरुङ्गले जानकारी दिनु भयो । फाईनल राउण्डमा १० जना प्रतियोगिबाट विजेता छनोट हुने जानकारी दिनु भयो ।
प्रतियोगिताको फाईनल राउण्डमा १० जनाले प्रतिस्र्धा गर्ने र प्रतियोगिताको विजेताले नगद ५० हजार, द्धितिय हुनेले नगद २५ हजार र तृतिय हुनेले नगद १५ हजार प्राप्त गर्ने गुरुङ्गले जानकारी दिनु भयो । प्रतियोगितामा भोटिङ्गको कुनै कार्यक्रम नरहेको जानकारी दिदै प्रतियोगिताले वालवालिकाले आफुमा रहेको प्रतिभा प्रस्फुटन गर्न सक्ने सल्लाहकार गुरुङ्गले बताउनु भयो । देवदह नगरपालिकाको स्वीकृत लिएर कार्यक्रमको आयोजना गरेको बताउदै विद्यार्थीहरुको पढाईलाई मध्यनजर गर्र्दै हरेक हप्ताको शनिवार मात्र कार्यक्रमको आयोजना गरेको उहाले जानकारी दिनु भयो ।
प्रतियोगिता सम्पन्न गर्न करिव ३ लाख खर्च हुने अनुमान गरिएको अध्यक्ष गुरुङ्गले जानकारी दिनु भयो । द फ्लाई हाई डान्स स्टुडियोका अध्यक्ष तुल्सा पुनको अध्यक्षता र कार्यक्रम संयोजक रोहन रानाको संचालनमा कार्यक्रम सम्पन्न भएको थियो ।
