कञ्चन । रुपन्देहीको कञ्चन – ०३ , हरैयामा अवस्थित हरैया बहुमुखी क्याम्पसमा हाजिरीजवाफ प्रतियोगिता सम्पन्न भएको छ । अतिरिक्त क्रियाकलाप समितिको आयोजनामा सम्पन्न कार्यक्रममा स्नातक प्रथम वर्ष – चौथो वर्षसम्मका ११ समूहको सहभागिता रहेको थियो ।
क्याम्पसको सभाहलमा भएको कार्यक्रममा शिक्षाशास्त्र चौथो वर्षका टीका कुमारी नाइसा , मिना अर्याल र निर्मल रानाको समूहले प्रथम , सोही कक्षाकै जीवन कुमार धवल , हरि कुमारी चौधरी र बिरेन्द्र गुप्ताको समूहले द्वितीय र व्यवस्थापन सङ्काय प्रथम वर्षका अरुण ढकाल , बाल कृष्ण भट्टराई र मनिषा विश्वकर्माको समूहले तृतीय स्थान हाँसिल गरेका छन् ।
समितिका संयोजक कुशबहादुर पौडेलको अध्यक्षता , क्याम्पस प्रमुख प्रकाश खनालको प्रमुख आतिथ्यता , प्राध्यापक विष्णुप्रसाद अधिकारीको सञ्चालनमा सम्पन्न भएको कार्यक्रममा विजयी समूहलाई क्याम्पस प्रमुख प्रकाश खनालले प्रमाणपत्र र पुरस्कार प्रदान गर्नुभएको थियोे ।
