आखाँ भरिएपछि मात्रै म कहाँ आउनु,
ठिकै छ मै पुछिदिउला ।।
मेरो खुसिको मुहान सुकाइ–जाने तिमीलाई
आज खुसिको जरुरत छ अरे,
म कहाँ आउनु
जति चाहिन्छ खुसि सापटि मै दि–दिउला ।।
मन मरेपछि मात्रै म कहाँ आउनु,
ठिकै छ मै सम्झाइदिउला ।।
नि–स्वार्थ मन चोरि मायाको व्यापार गर्ने तिमीलाई
आज स्वार्थको बाढिले बगाउदै छ अरे,
म कहाँ आउनु
मायाको आङकुसिमा मै भुन्डाइदिउला ।।
स्वार्थको भोज अनि पैसाको मोज गरेपछि मात्रै म कहाँ आउनु,
ठिकै छ तिम्रो रमिता मै हेरि–दिउला ।।
मायाको मोल गरि इज्जेतको खोल लगाउने तिमी
आज नि–वस्त्र भौतारिएकी छौ अरे,
म कहाँ आउनु
इमान्दारिताको नयाँ वस्त्र मै फेरि–दिउला ।।
मृत्युले गिजाउन थालेपछि मात्रै म कहाँ आउनु,
ठिकै छ चोटका रुखहरुमा फलेका यादहरु मै चखाउला ।।
समयको बिऊ मुठ्ठिमा राखि खुसिहरु छर्नेे तिमीलाई
आज जिवन नै दिग्दार लाग्दैछ अरे ,
म कहाँ आउनु
इत्ति बाँकि छ भाग्यको रस तिमीलाई पिलाउछु मै नखाउला ।।
©रिता काफ्ले, बुटवल
