काठमाडौं । प्रधानमन्त्री कप एक दिवसीय राष्ट्रिय क्रिकेट प्रतियोगितामा कोशी प्रदेशका सुजन थपलियाले शतक प्रहार गरेका छन् ।
उनले नेपाल पुलिस क्लबविरुद्ध शतक प्रहार गरेका हुन् । उनी १२६ बलमा १०५ रनको शतकीय इनिङ खेलेर आउट भए ।
कुनै पनि ब्याटर चल्न नसकेको अवस्थामा सुजनले कोशीको इनिङलाई उकासेका थिए । ६४ रनमा ७ विकेट गुमाएको कोशीलाई अभ्यास तिमिल्सिनासंग मिलेर ९९ रनको साझेदारी गरेका थिए ।
तिमिल्सिना ६४ बलमा २३ रन बनाएर आउट भएका थिए ।
कोशी पुलिसविरुद्ध १ सय ६६ मा अल आउट भएको छ । पुलिसका करण केसीले ३, ललित राजवंशी र सुनिल धमलाले २-२ विकेट लिए ।
उनी यस प्रतियोगितामा शतक प्रहार गर्ने चौथो खेलाडी हुन् । यसअघि रशिद खान, सन्दीप जोरा र विनोद भण्डारीले शतक प्रहार गरेका थिए ।
यो खबर पढेर तपाईंलाई कस्तो महसुस भयो ?
0%
😊
खुशी
0%
😢
दुःखी
0%
🤔
अचम्मित
0%
😆
उत्साहित
0%
😡
आक्रोशित
कुल प्रतिक्रिया: 0
