४ चैत, बुटवल । कोरोना महामारीका कारण होली विशेष सांगीतिक कार्यक्रम हुन नसकेको बुटवलमा यो वर्षको होली उल्लासमय बन्यो ।
हरेक बर्ष बुटवलका ट्राफिकचोकमा हुने गरेको होली विशेष रमझम कोरोना महामारीका कारणले बितेका दुई बर्षसम्म हुन नसकेको यो वर्ष भने पुनः निरन्तरता पायो । सडक विस्तारको क्रममा रहेकाले यो बर्ष बिगतका बर्षमा हुने स्थान भन्दा फरक स्थानमा होलीको बिशेष रमझम देखियो ।
होलीका दिन बुटवल बजार बन्द गर्ने र खुला ठाउँमा युवा युवतीहरुदेखि पाको उमेरसम्मका स्थानीय बासिन्दा जम्मा भएर एक आपसमा अबीर लगाई थरिथरिका होलीका गीत बजाएर दिनभर नाच्ने परम्परा छ ।
कोभिडका कारण पछिल्ला २ वर्ष होलीमा रमाउन नपाएका किशोर किशोरी यो वर्ष उत्साहका साथ रमाए ।
