रुपन्देही // समाजिक सेवा समूह फाउन्डेसन नेपाल बुटवल साखाको प्रथम अधिवेशनबाट अध्यक्षमा रोहित वाग्ले निर्विरोध निर्वाचित हुनुभएको छ । शनिबार बुटवल स्थित अमरपाली कटेजको सभाहलमा सम्पन्न प्रथम अधिवेशनबाट वाग्ले निर्वाचित हुनुभएको हो । फाउन्डेसनको उपाध्यक्षमा विष्णु मगर र बालकृष्ण भण्डारी , सचिवमा मदन पोखरेल र कोषाध्यक्षमा विमल पन्थी सर्वसहमतिले चयन हुनुभएको हो । अधिवेशनबाट वाग्ले अध्यक्षतामा ११ सदस्यीय कार्यसमिति बनेको छ ।
कार्यक्रम समाजिक सेवा समूह फाउन्डेसन नेपालको केन्द्रिय अध्यक्ष रबिना राय क्षेत्रीको प्रमुख आतिथ्यता र संस्थाका अध्यक्ष रबि बल्लभ रेग्मीको अध्यक्षतामा सम्पन्न भएको थियो । कार्यक्रममा प्रगतिशील लेखक संघ रुपन्देही शाखाका वरिष्ट उपाध्यक्ष यज्ञ न्यौपाने ‘दिपक’, लायन्स क्लब अफ देवदह प्रोफेसनल युथका अध्यक्ष दिपेश मल्ल ,पहिलो पाइला नेपाल बुटवल शाखा अध्यक्ष पारस मरासिनी , समाजसेवी दामोदर सापकोटा लगाएतको उपस्थिति रहेको थियो ।
