प्युठान। नेकपा एमाले प्युठानको आगामी नेतृत्वका लागि ४ जना आकांक्षी देखिएका छन् । अध्यक्षका लागि बर्तमान उपसचिब मधुर शर्मा, जिल्ला सचिबालय सदस्य नेहरसिंह केसि, प्रदेश सदस्य अजय सिंह र बिजयबिराज बिस्टले आ(आफ्नो लविङ सुरु गरेका छन् ।
स्थानीय नेताहरुका अनुसार चुनावी चर्चामा धेरै आए पनि अहिले नेतृत्वको बलियो दाबेदार भने उपसचिव मधुर शर्मा नै रहेको एमाले नेता, कार्यकर्ताहरु सुनाउँछन् । हालका पदाधिकारीहरु मध्ये बर्तमान अध्यक्ष, उपाध्यक्ष र सचिबले अध्यक्षमा दाबी नगर्ने निश्चित भएपछि यसपटकको नेतृत्व शर्मालाई दिनुपर्ने एमाले कार्यकर्ताहरुको मत छ ।
आफ्नो व्यक्तिगत स्वार्थ र अवसर भन्दा पार्टी र जनताको हितलाई प्राथमिकता दिने भएकाले पनि नेतृत्वमा नेता शर्माको बिकल्प नरहेको उनी निकट कार्यकर्ता बताउँछन । आम पार्टी कार्यकर्ताको चाहना अध्यक्षमा उठ्नु भन्ने रहेकाले अगाडि बढेकोे उनको भनाइ छ ।
जनताका समस्यालाई आफ्नै समस्याजस्तै मानेर सुल्झाउने नेताहरुको अग्रपङ्तिमा शर्माको नाम लिने गरिन्छ । युवा नेता शर्माले दल भित्र र बाहिरका सबै नेता कार्यकर्तासँग सुमधुर सम्बन्ध स्थापित गरेका कारणले पनि उनी सबैमाझ प्रिय छन् । मनमा लागेको कुरा स्पष्टसँग भन्ने र सानाठूलासँग छिट्टै घुलमिल हुनसक्ने उनमा स्वभाव छ । यही स्वाभावले पनि उनी आफ्नो र बाहिरी दलका नेता, कार्यकर्ताहरुसँग छिट्टै घुलमिल हुन्छन् ।
वौद्धिकता र अध्ययनशिल व्यक्तित्व, जिम्मेवारी प्रतिको लगनशिलता, विकास प्रतिको चासो, चिन्ता ,सहज र सरल स्वभावका कारण कार्यकर्ता माझ धेरै नै लोकप्रिय नेताका रूपमा नेता शर्मा चिनिन्छन । उनले युवा संघ नेपालको तेस्रो राष्ट्रि सम्मेलनबाट केन्द्रिय सदस्य भएर काम गरेका थिए ।
पार्टी गाउँ, जिल्ला र प्रदेशहुँदै केन्द्रिय तहसम्म सम्वन्ध स्थापित गर्नसक्ने बोलियो संयत्र रहेको शर्मासँग देखिन्छ । गाउँका समस्या सिँधै केन्द्रमा राखेर ध्यानाकर्षण गराई जनताका समस्या समाधान गर्नतर्फ उनमा दरिलो खुबी देखिन्छ । उनको यही क्षमता र दक्षताका कारण अवको नेतृत्व शर्मालाई नै दिनुपर्ने एमाले नेता, कार्यकर्ताहरुको जोड देखिन्छ । पुस २३ गते हुन लागेको अधिवेशनमा जिल्लाभरबाट ५ सय ५० प्रतिनिधि सहभागी हुने एमाले प्युठानले जनाएको छ ।
