सुरज भट्टराई, देवदह। रुपन्देहीको देवदह नगरपालिका स्थित खैरेनीमा खैरेनी पोलिक्लिनिक सञ्चालनमा आएको छ । देवदह मेडिकल कलेजका, अस्पताल निर्देशक डा.जयराज शर्माले आइतबार पोलिक्लिनिकको उद्घाटन गरे । क्लिनिकको उद्घाटन गर्दै शर्माले पोलिक्लिनिकले गुणस्तरीय स्वास्थ्य उपचार सेवामा द्यान दिनुपर्ने बताए।
चारजना युवकहरूको संयुक्त लगानीमा पोलिक्लिनिक सञ्चालनमा ल्याईएको प्रबन्ध निर्देशक मधु भण्डारीले जानकारी दिए । उनका अनुसार कुल १ करोड ५० लाख लगानीमा क्लिनिक संचालन गरिएको हो ।
यश अघि सामान्य समस्याको लागि पनि बुटवल धाउन पर्ने देवदह बासीको बाध्यता थियो।
भण्डारीका अनुसार पोलिक्लिनिकले प्रत्येक दिन विशेषज्ञ चिकित्सकहरूले सेवा दिने बताए । सबै प्रकारको उपचार केन्द्र बनाउने गरी क्लिनिक सुरू गरिएको उनले बताए । साथै प्रत्येक महिना स्वास्थ्य शिविर पनि क्लिनिकले संचालन गर्ने छ।
क्लिनिकमा विशेषज्ञ डाक्टरबाट २४ सै घण्टा सेवा, अत्याधुनिक प्रयोगशाला, फार्मेसी सेवा, भिडियो एक्स-रे सेवा, डिजिटल एक्स-रे सेवा , नेबुलाइजर सेवा, ई.सि.जि. सेवा, माइनर अप्रेशन र होलबडि चेकअप,इमरजेन्सी सेवा, उपलब्ध हुने सञ्चालक सुबास खातिले बताए ।
