काठमाडौं // प्रतिनिधि सभाको समानुपातिकतर्फ एक करोड चार लाख २० हजार मत गणना गरिएको छ। अहिले सम्मको परिणाम अनुसार पहिलो स्थानमा रहेको नेकपा एमाले रहेको छ भने उसले २७ लाख ८८ हजार मत प्राप्त गरेको छ। यस्तै, कांग्रेसले २६ लाख ६० हजार, माओवादी केन्द्रले ११ लाख ६२ हजार र राष्ट्रिय स्वतन्त्र पार्टीले ११ लाख ३४ हजार मत प्राप्त गरेका छन्।
निर्वाचन आयोगका अनुसार अहिलेसम्म एमाले, कांग्रेस, माओवादी केन्द्र, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाजवादी पार्टी र जनमत पार्टी गरी सात वटा दलले थ्रेस होल्ड कटाएर राष्ट्रिय पार्टी बनेका छन्। नेकपा एकीकृत समाजवादीले दुई लाख ९४ हजार ३६२ मत पाएको छ।
