देवदह– देवदह क्रीकेट खेल मैदानमा जारी नगर स्तरीय उपमेयर कप क्रिकेट प्रतियोगितामा वडा नं १० फाईनलमा प्रबेश गरेको छ । शनिबार भएकोे सेमिफाइनल खेलमा वडा नं ५ लाई ८ बिकेटले पराजित गर्दै वडा नं १० फाईनल पुग्न सफल भएको हो ।
टस जितेर वडा नं १० ले फिल्डिङ रोजेको थियो । पहिले ब्याटिङ गरेको वडा नं ५ ले निर्धारित २० ओभर खेल्दै ८ बिकेटको क्ष्यतिमा १ सय २२ रन बनाउन सफल भएक थियो । वडा नं ५ का लागि कमल चापागाईंले ४३ रन र सनम गुरुङले १५ रन हानेका थिए । बलिङ तर्फ वडा नं १० का बिबस खातिले ४ ओभरमा १९ रन दिदै ३ विकेट लिन सफल भएका थिए ।
१ सय २२ रनको लक्ष्य लिएर मैदान आएको वडा नं १० ले उक्त रन पूरा गर्दै ८ विकेटले जित निकाल्न सफल भएको थियो । उक्त म्याचमा विवस खातिले ५६ रन र सुबास खड्काले १९ रन हानेका थिए । खेलमा बिबस खाति म्यान अफ दि म्याच घोसित भएका थिए ।
यसै गरि प्रतियोगिताको अर्को सेमीफाईनल खेल भोली दिउँसो २:०० बजे वडा नं ७ र वडा नं १ बिच हुने देवदह क्रीकेट युनिटका अध्यक्ष अजय थापा मगरले जानकारि दिए । प्रतियोगितामा प्रथम हुनेले २५ हजार र ट्रफी , द्वितीय हुनेले १० हजार र ट्रफी र तृतीय हुनेले ५ हजार नगद सहित ट्रफी प्राप्त गर्नेछन् । त्यस्तै प्रतियोगितामा बेस्ट ब्याट्सम्यानले नगद २ हजार ५ सय र ट्रफी, बेस्ट बोलरले नगद २ हजार ५ सय र ट्रफी र ईमर्जिङ्ग पेलेरले नगद रु २ हजार ५ सय र ट्रफी प्राप्त गर्ने छन् ।
