देवदह //उज्यालो लाल्टिन प्रतिष्ठान को आयोजना, देवदह न.पा. वडा नं. ४ को सह-आयोजना तथा खैरेनि पोलिक्लिनिक देवदह को प्राविधिक सहयोगमा देवदह-४ भवानिपुर स्थित रामनवमि मेला स्थलमा गरिएको “निःशुल्क स्वास्थ्य शिविर तथा एम्बुलेन्स सेवा” र “निःशुल्क चिसो पानि वितरण” कार्यक्रम सम्पन्न भएको छ।
शिविरमा १६१ जना रुपन्देही जिल्ला भरका स्थानियले ‘ब्लड प्रेसर, मधुमेह र जनरल फिजिसियन को औषधि सहितको निःशुल्क स्वास्थ्य सेवा लिनु भएको छ।
कार्यक्रममा देवदह नगरपालिका वडा न ४ का अध्यक्ष दिपक चापागाईले कार्यक्रममा बोल्दै उज्यालोले गर्दै आएको उल्लेखनिय कार्यको चर्चा गर्दै आगामी दिनमा आफू र आफू रहेको सस्थाबाट सहयोग हुने प्रतिवद्द्ता ब्यक्त गर्नु भएको थियो ।
सोही कार्यक्रममा खैरेनी पोलिक्लिनिकका सन्चालक मधु भन्डारिले बोल्दै यो सहकार्य उज्यालो ले गर्न दिएकोमा धन्यवाद दिदै आगामी दिनमा उज्यालो को सिफारिसमा हुन सक्ने सम्म सहयोग गर्ने र सहकार्यगर्दै अगाडि बड्ने कुरा व्यक्त गर्नु भएको थियो । कार्यक्रम संस्थाका सदस्य मुकेश ज्ञवाली को संचालन र कार्यक्रम संयोजक गणेश पाण्डेले धन्यवाद ज्ञापन गर्नु भएको थियो ।
