बुटवल । अनेरास्ववियु रुपन्देहीले नेपाल आयल निगमले पेट्रोलियम पदार्थ र एल.पी ग्यासको मूल्य वृद्धि गरी जनताको आधारभूत आवश्यकताको बेवास्ता गरेकोप्रति गम्भिर खेद प्रकट गरेको छ । नेपाल आयल निगमले पेट्रोलियम पदार्थमा चर्काे मुल्यवृद्धि गरेकोप्रति अनेरास्ववियु रुपन्देहीले गम्भिर ध्यानाकर्षण गराउँदै प्रेस विज्ञप्ति मार्फत परमादेशी सरकार र सरकार नियन्त्रित निकायहरु निरन्तर जनतालाई पिडाबोध गराउँदै आएकोप्रति निन्दा गरेको छ ।
अनेरास्ववियु रुपन्देहीका अध्यक्ष शेषकान्त पोखरेलद्धारा हस्ताक्षरित विज्ञप्तिमा पेट्रोलियम पदार्थको मूल्यवृद्धिले तमाम क्षेत्रको महंगाई बढ्न गई आम जनतामा यसको प्रत्यक्ष असर पर्ने र गरिव निमुखा जनताको ढाड नै सेकिने गरी भएको मूल्यवृद्धि तत्काल फिर्ता लिन जोडदार माग गरिएको छ । विज्ञप्तिमा मागलाई अविलम्ब सम्बोधन नगरिए कडा संघर्षका कार्यक्रमहरु गर्न बाध्य हुने र त्यसबाट उत्पन्न हुने जस्तोसुकै परिस्थितिको जिम्मेवार सम्बन्धित निकाय हुने व्यहोरा समेत जानकारी गराइएको छ ।
