देवदह ।। रोटर्याक्ट क्लब अफ तिलोत्तमा देवदहको आयोजनामा सेनेटरी प्याड वितरण तथा महिनावारी स्वच्छता सचेतना कार्यक्रम सम्पन्न भएको छ। भविष्य निर्माण माध्यमिक विद्यालय, देवदह–२ मा मंगलबार उक्त कार्यक्रम आयोजना गरिएको हो।
कार्यक्रममा बोल्दै प्रमुख अतिथि दलबहादुर राकसकोटीले महिनावारी स्वच्छताबारे सचेतना फैलाउन यस्ता कार्यक्रम अत्यन्तै उपयोगी हुने बताउनुभयो। साथै उहाँले विद्यालयस्तरमै विद्यार्थीलाई स्वच्छता सम्बन्धी सचेतना दिनुपर्नेमा जोड दिनुभएको थियो।
कार्यक्रमका जोन १८ का जेड आर आर डा. आविष्कार पराजुली, महिला तथा स्त्री रोग विशेषज्ञ डा. नविन पाण्डे, विद्यालय व्यवस्थापन समितिका अध्यक्ष दलबहादुर थापा, प्रधानाध्यापक गोविन्द प्रसाद भुसाल लगाएतको आतिथ्यता रहेको थियो ।
कार्यक्रममा रोटर्याक्ट क्लब अफ तिलोत्तमा देवदहाका अध्यक्ष डा. विजय अम्गाईको अध्यक्षता, सहसचिव पारु अर्यालको स्वागत र क्लबका सचिव किशन थापा दरलामीको सञ्चालनमा सम्पन्न भएको थियो।
