बुटवलमा करोडौंको सुनचाँदी चोरेर फरार भएका भारतीय नागरिक पक्राउ

बिज्ञापन

रुपन्देही । बुटवलमा छिमेकी बनेर करोडौंको सुनचाँदी चोरेर फरार भएका तीन भारतीय दुई सातामै प्रहरीको फन्दामा परेका छन् ।
बैशाख १३ गते रुपन्देहीको बुटवल उपमहानगरपालिका वडा नं ६ स्थित गुल्मेली मजुवा सुनचाँदी पसलमा भएको सुनसहित नगद करिब ५ लाख चोरीमा संलग्नलाई प्रहरीले छोटो समयमै पक्राउ गरी सार्वजनिक गर्न सफल भएको हो ।

बिज्ञापन

भारतको उत्तर प्रदेशको जौहरी मोहल्ला चोकका ३६ वर्षीया मोहसिन अब्दुल्ला खान, उत्तर प्रदेशकै निसानगंज महानगरका २२ वर्षीया मोहम्मद सरिक र उत्तर प्रदेशकै गोमती कोलोनीका ३५ वर्षीया मोहद जिसान खानलाई प्रहरीले पक्राउ गरेको हो ।

बैशाख १३ गते उनीहरुले करिब ५ करोड बराबरको सुन र नगद चोरी गरेको पीडित परिवारको भनाइ छ । घटनामा संलग्नमध्ये मोहद जिसान खान मुख्य योजनाकार रहेको प्रहरीले बताएको छ । प्रारम्भिक अनुसन्धानका क्रममा उनीहरु व्यवसायिक चोरी गर्ने समूह रहेको रुपन्देही प्रहरी प्रमुख एसपी रवीन्द्र रेग्मीले जानकारी दिएका छन् ।

बिज्ञापन

तीनै जनालाई घटना घटेको १३ दिनपछि बैशाख २६ गते साँझ लुम्बिनी सांस्कृतिक नगरपालिका–४, महुवारीस्थित खुनगाई–कालीदह सडकखण्डमा सवारी चेकजाँचका क्रममा पक्राउ गरिएको प्रहरी भनाइ छ ।

प्रहरीले उनीहरु सवार युपी ३२ एल डब्लु ३१५१ नम्बरको कार, एउटा ३१ ग्राम ५० मिलिग्राम, एक थान बीस ग्राम, एउटा २९ ग्राम १६० मिलिग्राम, दुई थान १०÷१० ग्राम गरी कुल एक सय ग्राम ६६ मिलिग्राम सुनको सिक्का बरामद गरेको छ । यस्तै, ३ थान मोबाइल, ६ हजार भारतीय रुपैयाँ र एटीएम कार्ड पनि उनीहरुको साथबाट बरामद गरिएको एसपी रेग्मीले जानकारी दिए ।

चोरी भएको उक्त सुन पसलको छेउमा उनीहरुले व्यवसाय गर्ने भनी सटर भाडामा लिएका थिए । घरबेटीलाई अग्रिम मासिक ३० हजारका दरले १२ महिनाकै घरभाडा बुझाइसकेका थिए । तर होटलमा बसेर योजना बनाएर उनीहरुले सुन पसल चोरी गररेको प्रहरी भनाइ छ । तीनैजनालाई जिल्ला अदालत रुपन्देहीबाट म्याद थप गरी अनुसन्धान भइरहेको छ ।

रुपन्देहीमा भएका सुनचाँदी चोरी घटनामा प्रहरीले छोटो समयमा सफल अनुसन्धान गरेको यो पहिलो घटना भएको व्यवसायीको भनाइ छ । सुन पसलमा करोडौंको वस्तु तथा नगद चोरी भएपछि यहाँको सुनचाँदी व्यवसायी आन्दोलित भएका थिए ।

सम्बन्धित खवर

भैरहवाबाट जनकपुरतर्फ जादै गरेको बस सर्लाहीको बागमतीमा दुर्घटना हुदा तीन जनाको मृत्यु

Vin777 Sơ đồ 4-2-3-1: Hướng dẫn chơi bóng đá giải đấu

भारतका हार्दिक पाण्ड्यालाइ पछि पार्दै नेपालका दीपेन्द्रसिँह ऐरी टी–२० अलराउन्डरकाे छैठौं स्थानमा

खुल्ला एस.ई.ई महिला भलिबल प्रतियोगिताको उपाधी सगरमाथालाई

सगरमाथामा खुल्ला एस.ई.ई महिला भलिबल प्रतियोगिता सुरु

नेपालका कप्तान रोहित पौडेललाई धकेल्ने बङ्गलादेशका बलरमाथि आईसीसीको कारबाही

Мазь Скорпионикс: Покупайте в России 2024

कञ्चनको १६औँ अधिवेशन : समृद्धिका लागी जनमुखी कार्यक्रम ल्याइदै