घैटोफोड प्रतियोगितामा सहभागी भई कार्यक्रम शुभारम्भ गर्दै उपाध्यक्ष मौसमी थापा मगरले महिलाहरुको बृद्धि बिकास र क्षमता प्रदर्शनका लागि अवसरका धोकाहरु खुल्ला भएपनि चुलौचौकामा महिलाहरु सिमित हुनुपर्दा ग्रामिण्म क्षेत्रका महिलाहरु अझै पनि शिक्षा स्वास्थ्य तथा व्यबसायिक रुपमा पछाडी परिरहेको सन्दर्भ जोड्नु भएको थियो। समुदायको स्वास्थ्य सुधार गर्न मात्र नभई समुदायलाई हरेक कुरामा सचेत बनाउन पनि महिलाहरुको भुमिका अतुलनिय रहेको बताउदै उपाध्यक्ष थापा मगरले बर्षौं देखि स्वयम सेवि भावनाले घरको हरेक धन्दाहरुलाई समेत पुरा गरेर समुदायको स्वास्थ्य सेवामा लाग्नु कम चुनौती नभएको र अव महिला सामुदायिक स्वास्थ्य स्वयम सेविकाहरुले स्वयमसेविका गर्न नसक्ने उमेर पुगेपछि उनिहरुलाई अवकास हुदा राज्यले उचित सम्मान गर्नु पर्नेमा जोड दिनुभयो।
आज भएको घैटो फोड प्रतियोगितामा कुमारी रसाइलीले घैटो फोड्न सफल हुनु भएको थियो। यस्तै कुर्ची दौड प्रतियोगितामा दुर्गा ढुंगाना प्रथम, पवित्रा आचार्य द्वितिय र दिलमाया घर्ती तृतिय हुनु भएको थियो । यसैगरी महिला सामुदायिक स्वास्थ्य स्वययम सेबिकाहरु बिच भएको हाजिरी जवाफ प्रतियोगितामा वडा नं। ५ पहिलो, वडा नं। ३ दोश्रो र वडा नं। ४ तेश्रो भएको थियो।
महिला सामुदायिक स्वास्थ्य स्वयम सेविका दिवसको अवसरमा साुमदायिक स्वास्थ्य सेवामा निरन्तर खट्दै आउनु भएका महिला सामुदायिक स्वास्थ्य स्वययम सेबिकाहरु पवित्रा पुन, अनिता के।सी।, योगमाया पुन, राधा अस्लामी र अम्बिका जैसीलाई सम्मान पत्र सहित दोसल्ला ओढाएर सम्मान गरिएको थियो। सम्मानित हुनुहुने रहेको स्वास्थ्य शाखा प्रमुख राम प्रसाद गौतमले जानकारी दिनुभएको छ। महिला सामुदायिक स्वास्थ्य स्वययम सेबिका संघ, कञ्चनका अध्यक्ष पवित्रा आचार्यको अध्यक्षतामा सम्पन्न कार्यक्रममा कञ्चन गाउपालिकाका प्रमुख प्रशासकिय अधिकृत काशीराम पन्थी, महिला सामुदायिक स्वास्थ्य स्वयम सेविका संघ, रुपन्देहीका सुमित्रा बुढाथोकी लगायतले शुभकामना मन्तव्य ब्यक्त गर्नुभएको थियो।
