हामीले कम्युनिष्ट आन्दोलन जोगायौँ : सहरी मन्त्री चौधरी

कास्की । नेपाल कम्युनिष्ट पार्टी (एकीकृत समाजवादी) का पोलिट्व्यूरो सदस्य एवं सहरी विकास मन्त्री मेटमणि चौधरीले विद्रोह गरेर नेपालमा कम्युनिष्ट आन्दोलन जोगाएको बताएका छन्।

एकीकृत समाजवादी कास्कीले पार्टी कार्यालयमा आयोजना गरेको कार्यक्रममा बोल्दै मन्त्री चौधरीले भने, ‘जनताले ठुलो त्याग, तपस्या र बलिदानीबाट बनाएको संघीय गणतन्त्रात्मक संविधान माथि ओली नेतृत्वको एमालेले पटक पटक हमला गर्याे । एउटा निर्वाचित कम्युनिष्ट पार्टीको प्रधानमन्त्रीले संवैधानिक सर्वाेच्चता माथि आक्रमण गर्ने कुराले नेपालमा कम्युनिष्ट आन्दोलन माथि ठुलो अविस्वास पैदा भयो । जनतामा कम्युनिष्टहरुले संविधान मान्दैनन् भन्ने मनोविज्ञान तयार हुन थाल्यो । अर्थात् एमालेकै कारण कम्युनिष्ट आन्दोलन जोगिने अवस्था थिएन । तसर्थ कुनै पनि मुल्यमा कम्युनिष्ट आन्दोलन हामीले जोगाउनै पर्ने भयो । यसकारण एकीकृत समाजवादी विकल्प बन्न पुग्यो ।’

दलहरुमा मुलुक चलाउने राजनीतिक संस्कार नभएको भन्दै मन्त्री चौधरीले कांग्रेसको बहुमत हुँदा होस् या कम्युनिष्टको दुई तिहाइ हुँदा होस्, सरकार चल्न नसकेको बताए । मुलुकमा संकट पर्दा सधै पार्टीहरु एक भएको बताउँदै मन्त्री चौधरीले भने, ‘२०१७ साल मा पनि मिल्यौँ । ०४६ सालमा पनि मिल्यौँ । ०६२÷६३ सालमा पनि मिल्यौँ । र अहिले पनि मिलिरहेका छौँ । मिलेर काम गर्ने संस्कार आज मुलुकले खोजिरहेको छ । सबै मिल्दा मात्र संविधान विरोधी एमालेलाई परास्त गर्न सकिन्छ । एमालेलाई परास्त नगरि संविधान बचाउन सकिदैन ।’

ठुला दलमा राजनीतिक चेतना नभएको र उनीहरुप्रति जनतामा विश्वास पनि नभएकाले मन्त्री चौधरीले अबको विकल्प एकीकृत समाजवादी पार्टी भएको बताए ।
स्वास्थ्य राज्यमन्त्री हिरा चन्द्र केसीले एकीकृत समाजवादी पार्टी क्रमशः लोकप्रिय बन्दै जाने धारणा राखेका थिए ।

सम्बन्धित खवर

देवदहमा रमेश स्मृति सम्मान एवं विशेष रचना वाचन

देवदहमा बाल अधिकार तथा बाल संरक्षण सम्बन्धि तालिम

शिक्षक र विद्यललय कर्मचारीको सडक आन्दोलन आजबाट फिर्ता

शिक्षक र सरकारबीच ९ बुँदे सहमति, आन्दोलन फिर्ता

लुम्बिनी सरकार बजेटको तयारीमा : राजनीतिक दलसँग छलफल

आज देशभर अक्षय तृतीया पर्व मनाइँदै

मुख्यमन्त्री आचार्यद्वारा भालुबाङ अस्पतालको उद्घाटन

पाल्पामा जिप दुर्घटना हुदा तीन जनाको मृत्यु, दुई जना घाइते